उदयपुर । केहि दिनयताको अविरल बर्षा पछिको बाढीले सगरमाथा राजमार्ग अन्तर्गत उदयपुर र खोटाङ जोड्ने फोक्सिन्टार स्थित संचालित आर्क डिजाईनको पक्कीपुल शनिवार बगाएको छ । सुनकोशीमा आएको अत्यधिक बाढीले सो पक्कीपुल बगाएको छ ।
____________________ बिज्ञापन __________________
पुल नाघ्नेगरी उर्लिएको बाढीले पिलर भाँचेर पुल बगाएको स्थानीयलाई उदृत गर्दै सहायक प्रमुख जिल्ला अधिकारी लक्ष्मीप्रसाद रेग्मीले बताउनुभयो । शनिवार पुल भत्किएपछि हाललाई सो क्षेत्र हुँदै खोटाङसंगको सडक सम्पर्क विच्छेद भएको छ ।
उदयपुरको रौतामाई ५ आँपटार फोक्सीनटार र खोटाङको खोटेहाङ गाउँपालिका ९ लिच्किराम्चे सिमानामा पर्ने सुनकोशी नदीमाथी आर्क डिजाईनमा निर्माण गरिएको उक्त पक्की पुल २०७९ पुष ७ गते देखि अनौपचारिक रूपमा सन्चालनमा ल्याइएको थियो ।
पहिलो पटक २०६९ चैत्र २३ गते ठेकेदार कम्पनी गौरी पार्बती वाईपी जेभिसँग २०७३ चैत्र २२ सम्म निर्माण सम्पन्न गर्नेगरी सम्झौता गरिएतापनी विभिन्न कारण देखाउदै निर्माण कम्पनिले ढिलाई गरेको थियो । उक्त पुलको बेरिङकोट,एप्रोज रोड लगायतका काम पूर्ण रूपमा नसकिकनै यातायात सन्चालनमा ल्याईको थियो ।
____________________ बिज्ञापन __________________
अविरल बर्षाका कारण आएको अत्यधिक बाढीका कारण पुल बगाएपछि दक्षिणी खोटाङको खोटेहाङ, बराहपोखरी लगायतको ठाउँलाई तराईसङ्ग जोड्ने छोटो दुरीको रूपमा स्थापित सडक अबरुद्ध हुनपुगेकोछ ।
____________________ बिज्ञापन __________________
