आईसीसी एकदिवसीय विश्वकपको पाँचौँ चरणको अन्तिम खेल : भिड्दै इङ्गल्यान्ड र श्रीलङ्का

काठमाडौँ । आईसीसी एकदिवसीय विश्वकपको पाँचौँ चरणको अन्तिम खेल बिहीबार खेलिँदैछ । उक्त खेलमा एकदिवसीय विश्वकपको पूर्वविजेता श्रीलङ्का र इङ्गल्यान्डबिच भिडन्त हुनेछ । खेल बेंगलौरको एम। चिन्नस्वामी स्टेडियममा नेपाली समयअनुसार, दिउँसो २ः१५ बजे सुरु हुनेछ ।

बिज्ञापन

Advertisement

आजबाट सुरु हुँदै एक दिवसीय विश्वकप

सन् १९९६ को विजेता श्रीलङ्का र साबिक विजेता इङ्गल्यान्ड बिहीबार जारी विश्वकपमा आफ्नो अस्तित्व रक्षाका लागि भिड्ने छन् । किनभने जारी विश्वकपमा हालसम्म चार खेल खेलिसकेका यी दुवै टोलीले एक—एक जित मात्र हात पार्न सकेका छन् ।

बिज्ञापन

यी दुवै टोली तीन—तीन खेलमा पराजित भइसकेका छन् । श्रीलङ्का दुई अङ्कसहित तालिकाको सातौँ र समान अङ्क बटुलेको इङ्गल्यान्ड नेट रन रेटमा पछि पर्दै आठौँ स्थानमा आसीन छन् । प्रतियोगिताको सेमिफाइनलमा पुग्ने झिनो सम्भावना जीवित राख्न यी दुवै टोली बिहीबारको खेल जित्नै पर्ने दबाबमा छन् ।

जारी विश्वकपमा यी दुवै टोलीले आफ्ना समर्थकलाई निराश पारेका छन् । दुवै टोलीको ब्याटिङ र बलिङ निराशाजनक देखिएको छ । इङ्गल्यान्ड आफ्नो पहिलो खेलमा साबिक उपविजेता न्युजिल्यान्डसँग नौ विकेटले पराजित भएको थियो ।

विश्वकपमा आज : अस्तित्व रक्षाका लागि भिड्दै इङ्गल्यान्ड र श्रीलङ्का | News  from Nepal - Ratopati

आफ्नो दोस्रो खेलमा इङ्गल्यान्डले बङ्गलादेशलाई एक सय ३७ रनले हराएको थियो । इङ्गल्यान्डको टोली आफ्नो तेस्रो खेलमा तुलनात्मक रूपमा कमजोर प्रतिद्वन्द्वी अफगानिस्तानसँग ६९ रनले पराजित भएको थियो । चौथो खेलमा इङ्गल्यान्डले दक्षिण अफ्रिकासँग दुई सय २९ रनले पराजय भोगेको थियो ।

यसैगरी श्रीलङ्काले पनि जारी विश्वकपमा इङ्गल्यान्डकै जस्तो नियति भोगेको छ । श्रीलङ्काली टोली आफ्नो पहिलो खेलमा दक्षिण अफ्रिकासँग एक सय दुई रनले पराजित भएको थियो । दोस्रो खेलमा पनि श्रीलङ्काली टोली पाकिस्तानसँग ६ विकेटले हारेको थियो ।

आफ्नो तेस्रो खेलमा पनि श्रीलङ्काली टोली पाँच पटकको विजेता अस्ट्रेलियासँग पाँच विकेटले हार स्विकार्न बाध्य भएको थियो । आफ्नो चौथो खेलमा भने श्रीलङ्काली टोलीले तुलनात्मक रूपमा कमजोर प्रतिद्वन्द्वी नेदरल्यान्ड्सलाई पाँच विकेटले हराएको थियो । त्यसैले बिहीबारको खेल यी दुवै टोलीका लागि निकै महत्त्वपूर्ण छ । यो खेलमा पराजित हुने टोलीको सेमिफाइनलमा पुग्ने सम्भावना लगभग समाप्त हुनेछ ।

यो पनि पढ्नुहोस

लागुऔषध सहित ४ जना पक्राउ
दुई जना फरार प्रतिबादी पक्राउ
समानुपातिक निर्वाचन पद्धती स्थानीय तहमा समेत थप गर्नुपर्दछ ः कोशी प्रदेश उपसभामुख सृजना दनुवार
अमेरिकाको लुइस्टनमा बन्धकुधारीद्वारा १६ जनाको हत्या
इजरायलमा हमासको आक्रमणमा परी मृत्यु भएका गणेशकुमार नेपालीको शव आज नेपाल ल्याईयो
आईसीसी एकदिवसीय विश्वकपको पाँचौँ चरणको अन्तिम खेल : भिड्दै इङ्गल्यान्ड र श्रीलङ्का
एसीसी यू- १९ जितेर स्वदेश फर्केको नेपाली किक्रेट टोलीलाई विमानस्थलमा भव्य स्वागत
‘भष्मे डन’को २ करोड ४० लाखको ओपनिङ
Advertisement